About Us

你們是誰?(更新至11/10/2019)
TO WATCH ENTHUSIASTS.
獻給鐘錶愛好者

 創立自2015年1月,Lam Workshop從俗稱「IG Shop」的微型手錶店一步一步發展成實體商店。Lam Workshop在香港土生土長,但出售的手錶並不本土。採購團隊日夜為你搜羅國際設計師操刀的高質素手錶設計,這一份堅持,在IG Shop時期延續至今。

現於旺角設一間樓上店。
地均: 旺角登打士街56號家樂坊(柏裕) 16樓 1630室(油麻地A2出口步行約4分鐘)
其他聯絡方式...

透過引入外國高質素潮流手錶品牌,我們希望讓你找到一隻適合自己的手錶。請放心購買我們的產品,作為一間專業牟利機構,我們提供最好的承諾和服務。

品牌名字LAM WORKSHOP,中文翻譯為林氏工作室。LAM為香港人常見姓氏「林」的廣東話併音。WORKSHOP意指工作室,我們不懂手作,但不把前人的東西搬字過紙。

 

 

為什麼選擇LAM WORKSHOP?

 

 來自香港的LAM WORKSHOP是專為香港人服務的網上手錶商店。售賣的品牌包括ORIENT,TIMEX,TACS,HYPERGRAND,AÃRK,AVI-8,FEDON,Rossling&Co.等等,都是現時香港灸手可熱的外國獨立手錶品牌。LAM WORKSHOP只售賣有質素的獨立品牌,我們了解新一代喜愛與眾不同,所以我們一直在締造一隻個性化手錶。無論在品牌的選擇上抑或Workshop Watch服務,最終都是希望每個人手上的手錶獨一無二。

 

  • 只售賣有質素的潮流手錶品牌
  • 手錶個人化理念Workshop Watch服務(不日推出!)
  • 30天退款或換貨服務
  • 香港行貨手錶,連香港官方保養,不用承擔任何風險
  • 原裝品牌手錶盒包裝,送禮或自用
  • 深受客戶的喜愛,99%客人會向朋友推薦
  • 社交平台超過5,000個用戶讚好及28,000個用戶追蹤

 

 

關於店主Lam,更貼地的故事......(留意,下文將以地道廣東話演繹,慎閱!)

最近真係好多感想想發表。前排啱啱開咗呢間好景實體店無耐,裝修買傢俬都要自己一腳踢,攰死。過咗兩個月,終於無咁忙,有時間打下長文,同大家講下心底話。

其實Lam Workshop只係開咗2年零2個月,截至今日為止 (文章發表於2017-03-07)。當初本來諗住整下皮革首飾,開咗個instagram account玩下,所以先叫Workshop。唔好以為我想標奇立異。😫

點知嗰期睇中左隻錶,見到個同事戴得好型,就學佢喺Amazon網購買返嚟(當然,依家就全部都係行貨啦),順便搵多幾個人share下運費,Lam Workshop個故事就係咁樣開始咗。

仲好記得,2015年7定唔知8月,嗰時開始越嚟越好生意,亦都慢慢有唔少品牌主動搵我合作。為咗節省運費,我自己一個矮仔成日喺屯門工廠區出出入入。有時拎住兩箱錶,太陽又曬,真係底褲都濕L埋。

不過一打開箱錶,果種興奮嘅感覺,就好似拆禮物咁,真係好開心好開心好開心。就係嗰陣時,我連自己份正職都辭咗,全力搞Lam Workshop。

講真一句,我份正職人工高dd。但係,我想全心全意搞呢度,除咗虛榮感,想做老細,仲因爲我覺得,咁多巧合,令無心插柳嘅我無啦啦賣手錶,肯定係個天一直俾機會我。

所以,兩個月之前,我決定要開門市。因為我唔想再咁被動,我想自己為自己創造一次機會,唔想永遠都等機會行埋嚟。

到到今日,其實我都唔知會唔會成功,不過至少呢刻我enjoy,我都會繼續努力爭取你哋嘅支持,就算我之前搞活動搞得唔好,俾人圍插,我都會繼續搞。就算我哋少咗like,我都會繼續出post。因為,機會係自己創造嘅。

最後一句,我都知我好長氣😹。有好多朋友都叫我改名,不過我好怕你哋搵唔返我,所以就一直沿用Lam Workshop呢個名。

Lam
2017-03-07